ഒരു നാരുകുറവ്
— പി. രാമൻ
നെയ്തുതീരാറായ കൂടുകള്‍
അവസാന നാരിനുതൊട്ടുമുമ്പ്
വെടിഞ്ഞുപോയ കിളികളേ
ഒരിക്കല്‍
വിടര്‍ന്നു വിടര്‍ന്നുവന്ന
എന്റെ കണ്ണില്‍ കുടുങ്ങി
ഒരിക്കല്‍
അടുത്തടുത്തുവന്ന
ചുറ്റികമേട്ടങ്ങളില്‍ നടുങ്ങി
രണ്ട്...
അല്ല
മൂന്നു കൂടുകള്‍
ഞാനെടുത്ത്
ഈ ചാഞ്ഞചില്ലമേല്‍
തൊട്ടുതൊട്ടു തൂക്കിയിരിക്കുന്നു.
കുറവുള്ള ഓരോ നാര്
കൊക്കിലേന്തിവന്നു
ചിറകടിക്കുന്ന കിളികളേ
© 2013, പി. രാമൻ
മൂലകൃതി: ഭാഷയും കുഞ്ഞും
പ്രസാധകർ: കറന്റ് ബുക്ക്സ് തൃശൂർ
നെയ്തുതീരാറായ കൂടുകള്‍
അവസാന നാരിനുതൊട്ടുമുമ്പ്
വെടിഞ്ഞുപോയ കിളികളേ
ഒരിക്കല്‍
വിടര്‍ന്നു വിടര്‍ന്നുവന്ന
എന്റെ കണ്ണില്‍ കുടുങ്ങി
ഒരിക്കല്‍
അടുത്തടുത്തുവന്ന
ചുറ്റികമേട്ടങ്ങളില്‍ നടുങ്ങി
രണ്ട്...
അല്ല
മൂന്നു കൂടുകള്‍
ഞാനെടുത്ത്
ഈ ചാഞ്ഞചില്ലമേല്‍
തൊട്ടുതൊട്ടു തൂക്കിയിരിക്കുന്നു.
കുറവുള്ള ഓരോ നാര്
കൊക്കിലേന്തിവന്നു
ചിറകടിക്കുന്ന കിളികളേ
© 2013, പി. രാമൻ
മൂലകൃതി: ഭാഷയും കുഞ്ഞും
പ്രസാധകർ: കറന്റ് ബുക്ക്സ് തൃശൂർ
